TE KĀHUI RŌIA

RP200283.jpg

Alana Thomas

(Ngāpuhi, Ngāti Rēhia, Ngāti Kuri)

Tumu Whakarae | Director

I ēnei tau tekau mā toru kua pahure ake nei, i waimarie taku tū i te ao ture, inā hoki i whai wāhi ahau ki ngā wāhanga rerekē o te ao ture, ki ngā āhuatanga maha o te ao ture anō hoki. Nā konā kua pakari, kua whanake haere taku mōhiotanga ki ngā momo ture rerekē, ka mutu, ki ōna pānga, ki ōna kawekawe ki te iwi Māori.  

 

I pakeke mai ahau i te ao Māori, ka mutu, i noho ngā mātāpono o te awhero nui, o te manawanui, o te hiringa hei tūāpapa mō taku whakatupuranga. Nā konā, he tangata whakatakoto whāinga matua ahau, kātahi ka tutuki i ahau aua whāinga. Ko ngā mahi i oti nei i ahau ki te pahawa i ēnei whāinga, ko tāku, he whānui tōna kounga. I aku mahi katoa, i okea ururoatia kia tae ki te tihi o taua take, ka mutu, ka āta mamahi ahau kia āhei tonu ai āku kiritaki ki te tū rangatira, ki te pupuri tonu i ō rātou mōtika. 

 

E ngākau nui ana ahau ki te ao Māori, ki te reo Māori, ki te ao haka, ki tōku hapū, whānau me wāku tamariki tokorua.

021 412223

  • Facebook
  • LinkedIn

Ihipera Peters

(Ngāi Te Hapū, Waitaha, Ngāti Awa, Ngāti Rangiwewehi, Hāmoa)

Tumu Whakarae | Director

Whai muri i tana putanga ā ihu i Te Whare Wānanga o Tāmaki Makaurau i te tau 2009 me āna tohu paetahi i roto i te Ture me te Toi, i uru atu a Ihipera ki te kāhui rōia o Aotearoa i te tau 2010. 

Kua whakawhānuitia te puna wheako a Ihipera i roto i āna mahi, pērā i ngā ture take Māori, te ture pakihi, te ture hoko whare, te ture tarati, te ture ōhāki anō hoki.   Kua whakakanohi ai e Ihipera i āna kiritaki i mua i Te Rōpū Whakamana i te Tiriti o Waitangi, te Kōti Whenua Māori, te Kōti ā-Rohe, te Kōti Teitei me te Kōti Pīra. 

E kaha ana a Ihipera ki te mahi ngātahi hei arahi, hei pūrangiaho, hei whakamanahia i ōna kiritaki kia kōwhiri te huarahi hei whai rongoā mō a rātou ake take i roto i te ao ture.  

 

He Tumuaki Wahine o mua o Te Rākau Ture a Ihipera, ā, i mua ake i tana ruku atu ki te ao ture, i mahi ia i roto i te tūranga Pouāwhina Māori i te Kura Ture o Te Whare Wānanga o Tāmaki Makaurau. He mema a Ihipera o Te Hunga Rōia Māori o Aotearoa (The Māori Law Society) me te Hunga Rōia o Te Moana-nui-a-Kiwa (Pacific Lawyers Association).

 

He kōrero Māori, he kōrero reo Hāmoa anō hoki tā Ihipera. E ngākau nui ana ia ki tana whāinga matua, kia maori ai Te Reo i roto i ngā wāhanga katoa o te ao ture i Aotearoa nei. 

 

I waho o te tari, e ngākau nui ana a Ihipera me tona hoa rangatira a Carl ki a rāua tamariki tokowhā, ā, he mahi pārekareka ki a rātou ko te hau atu ki te moana, ki ngā awa, me te whakatōmene i ngā āhuatanga katoa o te taiao.

021 2120627

  • Facebook
  • LinkedIn

Read more


After graduating from The University of Auckland in 2009 with a Bachelor of Arts (Honours in Māori Studies) and a Bachelor of Laws, Ihipera was admitted as a Barrister & Solicitor in 2010. Ihipera has a wide range of experience advising clients on Māori legal issues, commercial law, property conveyancing, trusts, wills and estates. Ihipera has appeared in the Waitangi Tribunal, Māori Land Court, District Court, High Court and Court of Appeal. Ihipera works closely with clients to provide practical, solutions-focused advice in a manner that empowers clients to make an informed decision within the law. Ihipera is a former Female Co-President of Te Rākau Ture (Māori Law Students Association at The University of Auckland) and before commencing her legal career, was the Pouāwhina Māori (Māori Law Student Advisor) in the Faculty of Law. She is a member of Te Hunga Rōia Māori o Aotearoa (The Māori Law Society) and the Pacific Lawyers Association. Ihipera is fluent in Te Reo Māori and Samoan and is passionate about the normalisation of Te Reo Māori in the legal landscape of Aotearoa. Outside of the office, Ihipera and her husband Carl are kept busy with their four children and they enjoy the outdoors, especially the ocean and rivers, as much as possible.





Aroha Herewini

(Ngāpuhi, Ngāti Rēhia, Ngāti Kuri, Ngāti Hau, Ngāti Kaharau)

Rōia Matua | Senior Solicitor

Tākiri mai te ata 

Korihi ngā manu 

Ka ao, ka ao 

Ka awatea

Tīhei mauri ora

 

Katahi anō a Aroha ka kuhu mai ki a Kaupare Law i te tau 2021 hei rōia matua. I whakapōtaetia e ia ki te tohu paitahi i roto i te Ture me te Toi (BA/LLB) i te tau 2015 mai i te Whare Wānanga o Tāmaki Makaurau.  Nā tāna tono hei roia o Aotearoa i te tau 2016, ka ruku tōtika a Aroha ki āna mahi hei roia Māori i te Tari Ture Hāpori Māori o Waitematā, ki reira mahi tahi ai ia ki te rōpū Kaupapa Māori e āwhina ana i te hunga Māori o te

Waitematā. Ko te hono atu ki ngā tāngata, ngā rōpū maha me ngā kura o te rohe me te noho ki te pae tautoko o te Kōti Rangatahi ki Hoani Waititi Marae ētahi o āna mahi nōnā i reira. Mai rā anō, ko ōna wheako ā ture nei he roia mō ngā whānau, hapū, rōpū Māori nōki puta noa i Aotearoa i te Kooti Whenua Māori me Te Taraipiunara o Waitangi. He wheako hoki ōna ki ngā ture-ā-mahi, te ture whakawhitinga, ngā ture e hāngai ana ki te putunga rawa me ētahi take pakihi. Ko tana pai tawhiti ki rō ēnei mahi ko te whakawaha me te whakatutuki i ngā hiahia o āna kiritaki i runga i te tika me te pono. 

He mema a Aroha o Te Hunga Rōia Māori o Aotearoa (The Māori Law Society), he tumuaki o mua o Te Rākau Ture (Māori Law Students Association) nōki. Nā, ka noho ko tana tuakiri Māori me ngā mea katoa o te Ao Māori te tūāpapa me te kaiārahi o āna mahi katoa. Ka mutu, he whāinga nui tō Aroha ki te whakaaweawe i te reanga hou kia whakapono atu ki a rātou anō, kia whakawhirinaki atu ki ngā hua o te ao Māori nōki hei oranga mō rātou. 

Hāunga i te mahi, e ngākau nui ana a Aroha ki tōna whānau, ki tōna hapū me te pārekareka o ngā mahi o te taiao pērā i te eke maunga me te haere ki te moana.  E arohanuitia ana e ia ki ōna hoa, ā, ko te whakawhanaungatanga te mea matua. 

021 02416212

  • Facebook
  • LinkedIn